Најскапото возење со такси за стандардно возење од пет километри меѓу градовите во светот е во Цирих, Швајцарија и во европските градови воопшто, додека овие цени се пониски во Северна Америка, Азија и Африка, а најевтиното возење со такси е во Каиро, Египет, објавува глобалното туристичко списание Conde Nast Traveller.
Списанието цитира податоци од извештајот на Дојче Банк „Мапирање на светските цени 2025“, кој детално анализира различни цени, вклучувајќи стандардно возење од пет километри, земајќи ги предвид вообичаените локални тарифи и цените на традиционалните такси и возења преку апликации.
Цирих во Швајцарија се најде на првото место со цена за возење со такси од пет километри од 27,30 американски долари.Исто така, високо на листата се Женева (25,10 долари), Лондон (23,10 долари) и Милано (22,40 долари). Исто така, тука се Брисел (22,10 долари), Амстердам (21,70 долари), Минхен (20,90 долари), а истата цена е за возење со такси од пет километри во Копенхаген.
Десетте градови на листата покажуваат дека најскапите возења со такси се во Европа, додека тие се поевтини во Азија, САД и Канада.
„Наодите од извештајот покажуваат дека некои градови се далеку поскапи во однос на цените на такси, додека други остануваат изненадувачки прифатливи, како што се индиските градови Делхи, Мумбаи и Бангалуру, каде што возењата од пет километри чинат помалку од два, соодветно 2,10 долари и 2,90 долари. Ова ги прави овие градови меѓу најевтините во светот за возење со такси“, велат истражувачите.
Цените во Југоисточна Азија се исто така пониски отколку на други места во светот, на пример во Манила возењето чини 2,30 долари, а во Џакарта 2,40 долари.
Меѓу европските градови со пониски цени, се издвојува Прага со цена од 10,50 долари. Канадските градови како Торонто и Ванкувер се некаде на средина со цени од 11 и 11,10 долари, а Њујорк е на 20-то место со 15,80 долари. На листата од 20 градови по цени на такси се наоѓаат и Токио, Стокхолм, Берлин, Сиднеј, Единбург, Барселона, Осло, Даблин и Франкфурт.
