Телевизија Кочани објави неколку снимки на кои може да се види редица луѓе кои во Паркот на револуцијата чекаат да запалат свеќа за жртвите во страотниот пожар во дискотеката „Пулс“.
Пожарот предизвикан од пиротехнички средства зеде 59 животи, додека 155 лица се хоспитализирани.
По кратка блокада на Кочанската болница роднините на загинатите решија да се повлечат и да дозволат телата на нивните деца да бидат однесени на обдукција.
Голем дел од родителите на хоспитализираните лица ноќта ќе ја поминат во Скопје бидејќи повеќе од 80 лица беа хоспитализирани во скопските клиники. Десетици лица со потешки повреди веќе беа пренесени во соседна Бугарија, Србија и Грција со итна помош од соседните земји за да добијат соодветен третман таму.
