Владата одлучи да се изврши контрола на сите издадени лиценци од страна на сите министерства и сите институции кои издаваат лиценци од било кој тип, информира денеска заменик-претседателот на Владата и министер за транспорт Александар Николоски.
Тој рече дека ќе се направи и ревизија на сите закони со кои се направени олеснувања за издавање лиценци.
Во однос на контролите во Министерството за транспорт и врски, Николоски рече дека веќе се почнати контролите на лиценците според Законот за градење и за урбанистичко планирање и проектирање и тоа на изведувачи на градби од прва и втора категорија што подразбира надзор, преоктирање на градби и ревизија на градби, управител на градба…
– Од издадени над 1.100 лиценци, вкупно проверени се 643 лиценци. Кај 97 лиценци констатирано е дека по издавањето на лиценците правните лица престанале да ги исполнуваат законските услови врз основа на кои истите се издадени поради што ќе се донесат решенија за одземање на лиценците – рече тој.
Николоски поединечно кажа како изгледа тоа во бројки.
На 13 правни лица одземена им е лиценца А за изведувач на градби од прва категорија
На 34 правни лица одземена им е лиценца Б за изведувач на градби од втора категорија,
На 2 правни лица одземена им е лиценца А за надзор над изградбата на градби од прва категорија
На 6 правни лица одземена им е лиценца Б за надзор над изградбата на градби од втора категорија,
На 3 правни лица одземена им е лиценца А за проектирање на градби од прва категорија,
На 20 правни лица одземена им е лиценца Б за проектирање на градби од втора категорија,
На 2 правни лица одземена му е лиценца Б ревизија на проектна документација на градби од втора категорија,
На 1 правно лице одземена му е лиценца за управител за одржување на објекти од прва и втора категорија,
На 16 правни лица одземена им е лиценца за изработка на урбанистички планови.
Николоски рече дека е почната и контрола на лиценците за сообраќај. Тој најави дека во вторник ќе ги каже и имињата на фирмите на кои им е одземена лиценцата.
Albanian
English
Macedonian
Turkish
