Владата на Црна Гора го укина привременото суспендирање на безвизниот режим за граѓаните на Турција, со тоа што дозволениот престој е намален од 90 на 30 дена

Топ Вести - Слушај сега

Владата на Црна Гора го укина привременото суспендирање на безвизниот режим за граѓаните на Турција, со тоа што дозволениот престој е намален од 90 на 30 дена, пренесува Н1.

- Advertisement -

Ова е мерка за спречување на нелегалната миграција, а со цел да се усогласи со визната политика на Европската Унија, соопшти Владата.

Владата наведува дека соработката со турските власти е подобрена, со спроведување на зголемени безбедносни и миграциски проверки. Одлуката предвидува намалување на дозволениот престој од 90 на 30 дена, со напомена дека во случај на проценка на безбедносните ризици, визниот режим може да се врати.

Од крајот на октомври, кога Владата ги воведе визите, речиси 9.000 турски граѓани ја напуштиле Црна Гора, а во истиот период биле одобрени 194 барања за виза за граѓаните на таа земја.

Причината за воведување на визите беше беше инцидент што се случи на 25 октомври во подгоричката населба Забјело, кога жител на Подгорица беше избоден со нож. Иако полицијата првично тврдеше дека во ранувањето биле вклучени турски државјани, на крајот се покажа дека жителот на Подгорица наводно бил ранет од двајца азербејџански државјани.