Владата на денешната седница го задолжила Министерството за правда да поднесе иницијатива за разрешување на Државниот јавен обинител Љупчо Коцевски

Владата на денешната седница го задолжила Министерството за правда да поднесе иницијатива за разрешување на Државниот јавен обинител Љупчо Коцевски.

Според Законот за јавното обвинителство, републичкиот обвинител го избира и го разрешува Собранието, а го предлага Владата и тоа од оние кандидати за кои добила позитивно мислење од Советот на јавни обвинители.

Мандатот на републичкиот обвинител трае 6 години.

- Advertisement -

Љупчо Коцевски беше избран за републички јавен обвинител пред една година.

Премиерот Христијан Мицкоски досега повеќе пати го обвини Јавното обвинителство дека не си ја работи работата и дека кога органите на прогон требало да преземат мерки за гонење на некој функционер, обвинителите добивале дијареа и висока температура. Премиерот неодамна рече и дека имаат мнозинство во Собранието да го сменат обвинителот Коцевски.