Ужасно злосторство во Турција

Топ Вести - Слушај сега

Затвoреник, кој добил отсуство од затворот во Анкара, Турција, ги убил мајка си, својата 8-годишна ќерка и поранешната сопруга, а потоа извршил самоубиство, објави Си-ен-ен турк.

- Advertisement -

Реџеп Џенгиз (35), кој отслужувал 4-годишна казна за измама и вооружени закани, добил 11-дневно отсуство од затвор и отишол во куќата на неговата 57-годишна мајка Азиз, во населбата Кушкагиз во Анкара. Таму, по жестока расправија, ја убил и неа и својата 8-годишна ќерка Азра. Потоа ги ставил нивните тела во багажникот на својот автомобил и отишол во куќата на неговата поранешна сопруга Укан. Таму, според турските медиуми, се преправил како доставувач и ја убил на влезот од зградата, а потоа и самиот се застрелал.

Злосторството предизвика шок и гнев во турската јавност, особено затоа што само во една година шест жени се убиени од затвореници кои избегале или биле привремено ослободени од затвор.