Утре многу силен ветер, температурата ќе остане висока

Времето утре ќе биде сончево со мала до умерена облачноста. Во северните делови ќе има услови за повремен локален дожд. Ќе дува умерен до засилен ветер, во западните делови од западен, а долж Повардарието и во источните од северен правец, со јачина од над 60 километри на час.

Минималната температура ќе биде во интервал од 11 до 19, а максималната ќе достигне од 29 до 38 степени.

Во Скопје времето ќе биде сончево со мала до умерена облачност. Попладне во делови од котлината ќе има услови за повремен дожд. Ќе дува засилен ветер од северен правец.

- Advertisement -

Минималната температура ќе се спушти до 19, а максималната ќе достигне до 35 степени.

Поради продор на посвежа воздушна маса од север и засилен северен ветер од над 60 километри на час, во четврток дневната температура значително ќе опадне од 8 до 10 степени.

УХМР прогнозира дека во петок ќе се задржи посвежо време и ќе има услови за изолирана појава на нестабилност со пороен дожд и грмежи.

Во деновите потоа ќе преовладува сончево време со мала до умерена облачност, а температура ќе биде во постепен пораст.