Заменик-директор на Државната служба за безбедност на храната и заштита на потрошувачите, Вадим Чајковски истакна дека инсектите станале значаен проблем во областите погодени од војна во Украина од почетокот на руската агресија во 2022 година.
Инвазија на скакулци ја уништува јужна и источна Украина, загрозувајќи ги посевите во регионите Запорожје, Днепар, Херсон и Одеса. Експертите го поврзуваат тоа со климатските промени и катастрофата на браната Каховка.
Висок украински функционер го обвинува уништувањето предизвикано од руската инвазија за масовното појавување на скакулци. Во интервју за украински новински портал, Вадим Чајковски, заменик-директор на Државната служба за безбедност на храната и заштита на потрошувачите, истакна дека скакулците станале значаен проблем во областите погодени од војна во Украина од почетокот на руската агресија во 2022 година.
– Ова е последица на војната. Напуштените земјишта по линијата на фронтот и уништувањето на хидроцентралата Каховка создадоа идеални услови за нивно размножување“ – рече тој.
Чајковски особено го посочи резервоарот Каховка како локаус на наезда од скакулци. Во 2023 година, руските сили ја срушија браната, која го испразни резервоарот и создаде соодветно живеалиште за овие инсекти.
– Сакам да нагласам дека рускиот екоцид е главната причина за оваа наезда. Намалувањето на коритото на Днепар во јужните региони создаде идеални живеалишта за скакулци – речни брегови и напуштени области. Изобилството на такво земјиште, особено минираните области, им оневозможува на цивилите да се борат против овие штетници – додаде Чајковски.
