Уапсена е мајката на девојчето кое исчезна во реката Сава кај Загреб, додека потрагата по телото на девојчето трае веќе трет ден. Полициски дронови, хрватската национална спасувачка служба, Црвениот крст, пеесетина луѓе заедно со чамци, термални камери и подводни сонари будно трагаат д мостот Јанкомир до Иваниќ Град иако веќе се претресени поголеми делови од реката и од бреговите.
Видливоста на површината е нула, Сава е брза и опасна река.
Хрватските медиуми пишуваат дека се сослушани таткото и неколку лица кои би можеле да помогнат во истрагата. „Јутарњи лист“ го анализираше случајот кој го потресе целиот регион.
Mајката, 33-годишна вработена жена, била приведена откако била лоцирана и однесена на евалуација во психијатриска установа. Против неа е поднесена кривична пријава за тешко убиство за кое е предвидена казна затвор од неколку години.
Потрагата започнала по повик на мајката (34) во средата околу 16.10 часот. Според сигурни извори, таа не кажала експлицитно дека го убила детето, но она што го кажала веднаш ја навело полицијата да се посомнева дека таа сторила кривично дело.
Ја носела ќерката на логопед, била под стрес со месеци
Како што изјави извор близок до истрагата, клучен дел од понатамошната постапка ќе биде психијатриска проценка за да се утврди нејзиниот степен на ментална способност во моментот на наводното кривично дело.
Познаник на мајката за весникот изјавил:
– Цела среда не одговараше на мобилниот телефон на мајка си или на некој друг. Сите полудувавме од грижа, а малата не ја ни видевме, па претпоставивме дека е со неа. И тогаш стигнаа општите вести за претресот на реката Сава, а потоа дојде и полицијата да каже што се случува. Катастрофа и ужас! Знаете, кога забележала дека нејзината малата има некои здравствени проблеми, ја однела на логопед и тоа трае со месеци.
Како што рече соговорникот на Јутарњи, жената не можела да се справи со целата семејна ситуација и имала потенцијални сомнежи за можна дијагноза за детето, што не било потврдено бидејќи детето било уште мало.
– Не можам да разберам како тоа би било доволен мотив да го направи она што го кажала – изјавил за весникот видно вознемирен познаник на осомничената.
„Зборуваше дека сè ќе биде во ред, но тоа беше маска“
Друг познаник тврди дека токму поради тригодишното девојче, за кое никој не може да поверува дека го повредила на толку бесчувствителен начин, мајката изминативе шест месеци била на боледување.
Познавачите на осомничената ја опишуваат како некој што носи „маска“ и се обидувал да изгледа како сè да е во ред, иако се борела со лични и семејни проблеми. Еден познаник изјавил:
– Таа само ми кажа дека сè ќе биде во ред. И всушност, гледајќи наназад, сето тоа беше маска. Таа беше растргната од неизвесна иднина.
Мајката не добила помош од институциите?
Двајца психолози за „Јутарњи“ велат дека досега сè во истрагата упатува на жена со траума кој не добилa помош од институциите. Имаме термин за тоа, тоа е карактеристично за мајките
– Ваквиот чин укажува на личност со голема траума која не добила поддршка од институциите и системите, како што не добиваат многу други на кои им е потребна помош. Какви и да биле условите во животот на оваа жена, не смееме да го заборавиме главниот контекст што го дава државата: дека луѓето немаат од каде и од кого да добијат помош кога нивните проблеми премногу им притискаат, кога се наоѓаат во безизлезни ситуации. И некои безизлезни ситуации завршуваат трагично вака – изјави за Јутарни Сенка Секулиќ, психолог која работи со преживеани на родово насилство повеќе од десет години.
Горан Арбанас, доктор примариус од Клиниката за психијатрија Врапче вели дека може да се работи за таканараечено „проширено самоубиство“, карактеристично за вакви околности.
– Постои термин наречен продолжено самоубиство и речиси е карактеристичен за мајките. Затоа, тие одлучуваат да се самоубијат поради психички проблеми, чувство на безизлезна ситуација. Но, тие исто така сметаат дека во тие околностие подобро да го нема и детето. Секако, тоа е погрешно и најчесто се работи за личности кои немаат поддршка од партнерот, од семејството или од пријателите – вели експертот.
Мајката била лекувана од психички проблеми
Брачната двојка има уште едно петгодишно дете. Мотивот на мајката што го фрлила помалото дете во реката Сава сè уште не е јасен, но достапните информации укажуваат дека таа претходно била лекувана од психички проблеми, пишува медиумот.
Од Хрватскиот завод за социјална работа потврдија дека семејството не било под надзор или третман на надлежен центар, ниту пак биле преземени мерки за семејно-правна заштита.
