Туск: Не доаѓа предвид ЕУ сега да ги ублажи санкциите врз руската нафта и гас

Топ Вести - Слушај сега

Полскиот премиер Доналд Туск денес на меѓународната конференција за енергетика во Гдањск изјави дека не доаѓа предвид Европската Унија да ги ублажи санкциите врз руската нафта и гас поради војната на Блискиот Исток и претстојната енергетска криза, и да не се врати на нормалниот предвоен бизнис со Русија.

- Advertisement -

Тој исто така рече дека Полска сигурно никогаш повеќе нема да стане зависна од руските енергетски извори.

„Полска сигурно, но ние сметаме и на цела Европа, никогаш повеќе нема да биде зависна од руската нафта и гас. За нас, ова е прашање на вистински суверенитет. Ќе соработуваме со нашите партнери и сојузници. Ја разбираме потребата од меѓународна соработка, без неа не можеме да ја изградиме нашата нуклеарна централа. Сето ова го знаеме многу добро, но ќе соработуваме со оние на кои можеме да се потпреме, а не со оние кои претставуваат закана за нас“, рече премиерот.

Туск потсети дека како премиер на Полска во 2014 година, по анексијата на Крим, тој покрена иницијатива во ЕУ за енергетска унија и дека, заедно со земјите од регионот, сè уште работи на одржување на тој курс и независност од руските извори на енергија.

„Некаде слушам гласови за енергетската криза, војната на Блискиот Исток, дека можеби вреди да се ублажат санкциите, дека можеби вреди да се вратиме на секојдневниот енергетски бизнис со Русија. Тоа не доаѓа предвид, господа. Ова е прашање на безбедност, прашање на опстанок на Западот, Европа, Полска, и сметам не само на разбирањето на нашите партнери, туку и на соработката“, рече Туск.

Во своето обраќање на енергетската конференција во Гдањск, полскиот премиер нагласи дека сега, со војната во Украина и избувнувањето на конфликтите на Блискиот Исток, е јасно колку се испреплетени безбедноста на Европејците и достапноста и цените на изворите на енергија.