Турција го сруши температурниот рекорд

Во градот Силопи на југоистокот на Турција во петокот беа измерени 50,5 степени Целзиусови, што е национален температурен рекорд, објави во саботата турското Министерство за животна средина. Најмалку два шумски пожари сè уште беснеат во земјата.

Во меѓувреме, најмалку два големи шумски пожари беснеат во земјата, јавуваат странските новински агенции.

Претходниот температурен рекорд од 49,5 степени Целзиусови беше измерен во Турција во август 2023 година.

- Advertisement -

Интензивната топлина им ја отежнува работата на пожарникарите, кои моментално се борат со најмалку два големи шумски пожари.

Еден од нив гори во покраината Бурса јужно од Истанбул, каде што околу 1.300 луѓе беа евакуирани како мерка на претпазливост во саботата навечер. На терен има околу 500 членови на спасувачките служби, на кои им помагаат хеликоптери и авиони во гаснењето на пожарот.

Во меѓувреме, уште еден голем пожар беснее веќе четири дена во покраината Карабук, околу 400 километри источно од Истанбул. Според официјалните податоци, досега таму се евакуирани 14 села.