Туристка со тешки повреди била хоспитализирана во Грција откако чадор, однесен од силен ветар, се забил во нејзината нога и ја пробил.
Несреќата се случила во петокот, додека 26-годишната туристка се сончала на плажата Посиди на Халкидики кога држачот на чадорот излетал од место. Спасувач, кој не бил на должност, веднаш интервенирал и заедно со екипа на итната помош спречил потешки последици.
„Беше извршена имобилизација и преврзување на екстремитетот за контрола на крвавењето, без вадење на страното тело, како што предвидуваат протоколите, и пациентката беше пренесена во болницата во Полигирос за отстранување на страното тело и за дефинитивно санирање на повредата“, известува медицинскиот тим.
