Црна дупка во центарот на соседната галаксија

Големиот Магеланов облак е џуџеста галаксија во соседството на нашиот Млечен Пат, видлива со голо око од јужната хемисфера како дупка од светлина, а новото истражување сега обезбеди подобро разбирање за неа и доказ дека има црна дупка во нејзиниот центар.

Галаксијата е именувана по португалскиот истражувач Фердинанд Магелан, кој ја забележал пред пет века. Новото истражување засновано на проучувањето на пет ѕвезди кои брзо се движат по рабовите на Млечниот Пат обезбедува силни докази за постоењето на супермасивна црна дупка во Големиот Магеланов Облак.

Повеќето галаксии имаат црна дупка во нивниот центар, но ова е првпат да се докажува тоа за онаа до нашата.

- Advertisement -

Научниците истакнаа дека податоците за движењето на ѕвездите покажуваат дека тие биле исфрлени од Големиот Магеланов Облак по насилна блиска средба со црна дупка. Црните дупки се екстремно густи објекти со гравитација толку силна што дури ни светлината не може да избега од неа.

Големиот Магеланов облак е оддалечен од Земјата околу 160 илјади светлосни години, што ја прави една од најблиските галаксии до нашата. Ова исто така значи дека црната дупка во нејзиниот центар е најблиската супермасивна црна дупка до Млечниот Пат, освен онаа наречена Стрелец А*, која се наоѓа во срцето на нашата галаксија.

Исто како што Млечниот Пат е помасивен од Големиот Магеланов Облак, Стрелец А* е поголем од новооткриената црна дупка.

Во своето истражување, научниците користеа податоци од астрономската опсерваторија Гаја на Европската вселенска агенција (ESA), која досега со голема прецизност забележала повеќе од милијарда ѕвезди во нашата галаксија.