Цената на американската сурова нафта WTI (West Texas Intermediate) денеска падна на околу 67 долари за барел, а нафтата Брент поевтини на 69,2 долари, откако американските царини ги разгореа стравувањата за изгледите за побарувачката, додека зголемувањето на производството на ОПЕК + се закани да ја зголеми прогнозата за презаситеност на понудата од август.
Ова се најниски цени на нафтата во последните две недели.
Американскиот претседател Доналд Трамп вчера го објави првото од бранот ветени писма со кои се заканува дека ќе наметне повисоки царински стапки за клучните трговски партнери, вклучително и давачки од 25% за стоки од главните партнери Јапонија и Јужна Кореја, што ќе стапи на сила од 1 август.
Во меѓувреме, ОПЕК+ се согласи да го зголеми производството за 548.000 барели дневно во август – четврто месечно зголемување по ред и поголемо отколку што очекуваа аналитичарите, објави Trading Economics.
Овој потег ќе врати речиси 80% од 2,2 милиони барели дневно во доброволните намалувања направени од осум членки на ОПЕК.
ОПЕК Плус соопшти дека одлуката е заснована на стабилните глобални економски изгледи и најави уште едно зголемување на понудата во септември
Саудиска Арабија, исто така, ги зголеми цените на својата главна сурова нафта за Азија.
