Почетната продажна цена за литар алкохолен пијалок на големо изнесува 0,66 евра за литар или вкупно 1.554,13 евра за вкупно 2.354,75 литри ракија со јачина од 37% до 45%, напиша Царинската управа на јавен повик. .
Прибирањето на писмените понуди ќе се одвива од 14 до 21 јануари 2025 година до 10:00 часот, информираат од Царинската управа.
Купувачот на овошна ракија на големо е должен да ја предесилира купената стока. Редестилацијата на откупената овошна ракија на големо ќе се контролира преку месечни извештаи кои купувачот треба да ги доставува до надлежната акцизна испостава.
Пластичната амбалажа која ја содржи ракијата не подлежи на јавно наддавање и купувачот е должен да ја врати во рок од 5 дена или по купувањето да може да ја пренесе во сопствена амбалажа.
Прибирањето на писмените понуди се врши за сите стоки, а продажбата се врши на принцип „видено – купено“ без гаранција, при што купувачот е должен да ги добие потребните дозволи и други документи.
За наливната ракија, понуди може да поднесат правни и физички лица – занаетчии, овластени акцизни складишта – производители, кои можат да ја користат стоката како суровина при производство на нов акцизен производ од категоријата алкохол и алкохолни пијалоци, при што На новиот производ произлегува обврска за пресметување и плаќање акциза согласно прописите за акциза, наведуваат оттаму.
