Трамп сака средба со севернокорејскиот лидер

Американскиот претседател Доналд Трамп изјави дека има намера повторно да контактира со севернокорејскиот лидер Ким Џонг Ун.

– Сакам, да – рече Трамп во интервју за „Фокс њуз“, на прашањето дали ќе се сретне со севернокорејскиот лидер, со кој се сретна трипати за време на неговиот прв претседателски мандат.

Трамп, кој ја презеде функцијата во понеделникот, го нарече севернокорејскиот лидер „паметен човек“.

- Advertisement -

– Се согласував со него. Тој не е религиозен фанатик – рече американскиот претседател.

Трамп постојано изјави дека имал добри односи со Ким за време на неговиот прв мандат, иако нивните нуклеарни разговори на крајот пропаднаа во 2019 година.

Тој, исто така, постојано укажува дека сака да ја обнови дипломатијата со Северна Кореја.

Неколку часа по преземањето на функцијата во понеделникот, Трамп ја нарече Северна Кореја „нуклеарна сила“ и рече дека верува оти Ким треба да биде среќен поради неговото враќање на местото американски претседател.