Трамп предупредува, вандалите ќе поминат низ пеколот

Нападите врз продажните места на „Тесла“ ќе бидат означени како домашен тероризам, а сторителите „ќе поминат низ пеколот“, изјави претседателот на САД, Доналд Трамп, во знак на поддршка за шефот на производителот на електрични автомобили и неговиот сојузник Илон Маск.

Акциите на „Тесла“ се зголемија за речиси 4% во вторникот, што претставува закрепнување од најголемиот еднодневен пад во последните 4 и пол години, забележан 1 ден претходно.

Претседателот Трамп се појави со Маск во Белата куќа за да избере нови возила „тесла“ за неговиот персонал.

- Advertisement -

Активистите неодамна ги организираа таканаречените „Протести за рушење на Тесла“ за да го изразат незадоволството од улогата на Маск во големите намалувања на работната сила во федералните институции по налог на Трамп и од откажувањето на договорите за финансирање хуманитарни програми ширум светот.

Портпаролот на Белата куќа, Харисон Филдс, рече дека „грозоморните акти на насилство врз ‘Тесла’ од страна на радикалните левичарски активисти не се ништо помалку од домашен тероризам“.