Тишина што одекнуваше погласно од секој удар ја обележа завршницата на големото финале
Топ Вести - Слушај сега
Тишина што одекнуваше погласно од секој удар ја обележа завршницата на големото финале. Српскиот тениски ас Новак Ѓоковиќ загуби од Карлос Алкараз во финалето на Австралија опен, по борба што траеше четири сета и остави силен впечаток кај публиката и кај аналитичарите.
Нешто, сепак, остана недоискажано. Австралиските медиуми пренесоа дека српскиот ас имал проблеми со колкот, видливи во падот на нивото на игра во клучни моменти. Погледот по последниот поен и движењето меѓу гемовите ја хранеа таа теза.
Во анализата на се наведува дека физичката мака била очигледна, но и дека Ѓоковиќ свесно избегнал јавно да ја потврди. Натпреварот се свртел во четвртиот сет, кога имал брејк-топка што можела да ја промени историјата. Моментот поминал, а со него и шансата за пресврт.
По мечот, новинарите се обидоа да добијат одговор. Ѓоковиќ одлучи да молчи за телесната состојба.
– Не сакам да зборувам за тоа низ што минувам физички, не сакам да ги земам заслугите од Карлос. Честитки до него, тој го заслужува тоа. Ова беше еден од најдобрите натпревари што сум ги одиграл. Се чини дека требаше да биде вака – рече Ѓоковиќ.
Токму во таа одлука многумина ја препознаа суштината на шампионскиот код. Нема алиби, нема оправдувања, има почит кон противникот и кон играта.
Еден интересен момент што се појави во медиумите по завршувањето на сезоната беше и продажбата на рекетот користен од Ѓоковиќ што го фати навивачот од финалето на Австралија Опен во 2012 година против Рафаел Надал.
Рекетот беше купен за рекордни 540.000 долари. Тоа го направи најскапиот тениски рекет некогаш продаден на аукција.
Познатиот тениски коментатор Џон Мекинро за тој случај изјави дека „кога рекет од голем меч стигнува до таква сума, тоа е доказ дека не е само опрема — тоа е фрагмент од историјата што ја раскажува сопствената приказна за величината на играта и за играчите“.
