Температури кои ќе надминуваат 25 степени можат да се очекуваат оваа недела на Балканот и во Македонија

Температури кои ќе надминуваат 25 степени можат да се очекуваат оваа недела на Балканот и во Македонија, според познатиот метеопрогнозер Славчо Попоски.

„Се прашувам, дали календарски сме сè уште зима, или пак лето, зошто? Оваа седмица, односно, во периодот од 10 март (денес понеделник), па сè до 17 март (следниот понеделник) југоисточна Европа ќе се соочи со уште потопло време со рано – летни температури на воздухот кои во делови од регионот, како и во нашата Македонија ќе надминуваат 25 степени, а можно е дури истите да се искачат и дури околу 30 степени“, напиша Попоски на Фејсбук.

Тој вели дека покрај високите температури времето може да биде нестабилно, со можност за поројни дождови, додека во Македонија ќе дува засилен јужен и југозападен ветер со брзина од над 75м/час.

- Advertisement -

Попоски предупредува дека овие денови разликите меѓу утринските и дневните температури се повеќе од 20 степени.

„Метеопати, бидете внимателни деновиве, поради тоа што Биометеоролошките услови ќе бидат крајно неповолни, а исто така проблем ќе прави и транспортот на прашина и песок од Сахара кон нашиот дел од Европскиот Континент“, додава Попоски.