Техеран тврди дека има масовна подготвеност за мобилизација

Околу седум милиони жители на Иран се подготвени доброволно да се мобилизираат во случај на можна копнена инвазија од САД, изјави претседателот на иранскиот парламент Мохамед Багер Калибаф.

„Во моментов, за помалку од една недела, силната национална кампања што ја зафати земјата привлече околу седум милиони Иранци кои веќе се јавија и изјавија дека се подготвени да се вооружат и да застанат во одбрана на нашата нација“, напиша Калибаф на својот профил на X.

Американските медиуми наведуваат дека Калибаф не прецизирал од каде потекнуваат овие податоци. Истовремено, се посочува дека во Иран се води кампања преку државните медиуми и СМС-пораки со кои граѓаните се повикуваат да се пријават како доброволци.

- Advertisement -

Иранските власти, исто така, ги повикале пензионираните војници да се мобилизираат. Според извештаите, милицијата Басиџ, која функционира во рамките на Ирански корпус на револуционерна гарда, започнала да прифаќа нови доброволци.

Во меѓувреме, од Вашингтон е најавено дека Калибаф се разгледува како потенцијален партнер во евентуални преговори меѓу САД и Иран.