‎СВЕЖО ЦВЕЌЕ ВО ЧЕСТ НА ИЛИНДЕНЦИТЕ

‎По повод големиот национален празник – 2. Август – Денот на Републиката, денеска делегација на Општина Охрид, предводена од претседателот на Советот на Општина Охрид, Перчо Божиновски, положи свежо цвеќе пред спомен-обележјата на илинденците во Градскиот парк.
‎
‎Во знак на почит и сеќавање на илинденските херои, свежо цвеќе положија и пратеници, претставници на Сојузот на борци, претставници на јавни институции, како и делегации од политички партии.
‎
‎Цвеќе беше положено и на „Прентов мост“ и во селото Плаќе, каде што се одржа историски час и  пригодна  културно-уметничка програма.
‎
‎Традиционалната Илинденска програма оваа година е посветена на три големи јубилеи – 120 години од смртта на Христо Узунов, 150 години од раѓањето на Кирил Прличев и 150 години од раѓањето на Методија Патчев.