Ракот на дебелото црево е сериозна болест која често напредува тивко, со симптоми како што се ректално крварење, абдоминална болка, промени во навиките на дебелото црево, губење на тежината, анемија и замор.
Една неодамнешна студија открива главен фактор на ризик за рак на дебелото црево кај луѓе под 35 години. Случаите на рак на дебелото црево кај младите се во пораст, што предизвикува загриженост кај експертите и ги поттикнува лекарите да ги истражат причините.
Студијата објавена во списанието Neoplasia ги анализирала дијагнозите за рак на дебелото црево кај луѓе под 35 години и открила три главни причини: исхрана со ниска содржина на калциум, консумирање алкохол и дебелина.
Студиите сугерираат дека консумирањето чаша млеко дневно може да го намали ризикот од рак на дебелото црево, особено кај жените.
Според Глобалниот товар на болести, бројот на случаи на рак на дебелото црево кај луѓето под 35-годишна возраст речиси се удвоил помеѓу 1990 и 2019 година, од 21.874 на 41.545. Оваа болест почесто ги погодува мажите отколку жените, пишува New York Post.
Иако ракот на дебелото црево обично се поврзува со постарите лица, тој се зголемува кај сите возрасни групи. „Загрижувачки е тоа што ракот се почесто се дијагностицира кај помладите“, вели др. Корал Олазагасти од Универзитетот во Мајами.
Albanian
English
Macedonian
Turkish
