Српската полиција денеска упадна во Градското собрание во Нови Сад, кое претходно беше блокирано од опозициските советници

Српската полиција денеска упадна во Градското собрание во Нови Сад, кое претходно беше блокирано од опозициските советници.

Како што објавија локалните медиуми, дошло и до тепачка меѓу полицијата и советниците од опозицијата. Полицијата се обидува да ги избрка советниците од зградата.

Претходно, градските советници, републичките и покраинските пратеници упаднаа во Градското собрание во Нови Сад и ги блокираа влезовите и канцеларијата на градоначалникот Милан Ѓуриќ.

- Advertisement -

Тие влегоа во Градското собрание во кое се сместени градоначалникот и градската власт и изјавија дека ќе го блокираат сѐ додека не завршат истрагата и судскиот процес за трагедијата на железничката станица.

Полицијата веднаш по упадот на опозицијата се појави во кордони и во обид да ги истисне луѓето надвор од просториите на Градското собрание.