Спречен шверц на поголема количина оружје во Македонија

Топ Вести - Слушај сега

Македонската полиција, во тесна соработка со бугарските служби, спречи обид за нелегален транспорт на оружје од Турција преку Бугарија за нашата земја.

- Advertisement -

Акцијата се случила ноќта меѓу 24 и 25 декември на граничниот премин „Капитан Андреево“. При претрес на товарно возило „Волво“ со македонски регистарски ознаки, службениците пронашле три пушки, 20 пиштоли и 5.750 куршуми.

Случајот бил откриен благодарение на брза размена на информации преку SELEC Центарот и координацијата со Бугарската генерална дирекција за борба против организираниот криминал и Царинската агенција на Бугарија.

Од МВР најавуваат дека по целосно документирање на случајот и идентификување на сите лица вклучени во транспортот, ќе следува поднесување на кривична пријава.

Оваа операција ја потврдува важноста на меѓународната соработка и брзата размена на информации за спречување на криминал и нелегален промет на оружје на Балканот.