Семејна расправија со елементи на насилство била пријавена вчера во ОВР Македонски Брод во попладневните часови, каде двајца сопружници – маж на 57 и жена на 40 години – взаемно се обвиниле за напад во нивниот дом.
Првиот што се јавил во полиција бил 57-годишниот маж, кој пријавил дека неговата сопруга се обидела да го нападне со стаклени и остри предмети. Според неговата изјава, инцидентот се случил во семејниот дом и животот му бил доведен во опасност.
Но, само кратко потоа, и 40-годишната жена се јавила во истата полициска станица, пријавувајќи дека била физички нападната од својот сопруг, исто така во домот каде што заедно живеат.
Од Министерството за внатрешни работи информираат дека се преземаат мерки за целосно расчистување на случајот, а полицијата работи на прибирање на изјави, докази и евентуални сведоштва кои ќе го расветлат вистинскиот тек на настаните.
