Скопјанец чувал оружје во викендичка кај Витолиште

Прилепската полиција пронашла ловна пушка и муниција кај 45-годишен скопјанец во викендичка близу селото Витолиште, информираше Министерството за внатрешни работи. Викендиката била претресена по судски налог, се вели во полицискиот билтен.

„При претресот била пронајдена ловна пушка со калибар 16мм , ловни патрони со калибар 16мм, 223 куршуми од автоматска пушка, 70 куршуми за пиштол, четири рамки од автоматска пушка, две рамки од полуавтоматска пушка и граната. По документирање на случајот, ќе биде поднесена соодветна пријава“, соопшти МВР.