Сите индикатори, кои се објавуват за првиот месец од вториот квартал, се вонредно високи, што покажува дека состојбата е стабилизирана во рамките на нулата

Сите индикатори, кои се објавуват за првиот месец од вториот квартал, се вонредно високи, што покажува дека состојбата е стабилизирана во рамките на нулата, изјави претседателот на Владата, Христијан Мицкоски, посочувајќи го подобрувањето на економската состојба во земјата.

– Доколку имаме предвид дека бевме во длабок минус, во моментов сме дојдени во состојба на стабилна нула и сега ние треба да почнеме да креваме. Покрај растот на трговијата во индустријата од 6% , ме радува и тоа што расте преработувачката индустрија од 6,6%. Расте прометот со трговијата во индустријата на меѓународниот пазар што е многу важно за нас. Тој расте многу повеќе од домашниот. Мислам дека домашниот пазар има околку 1,5 или 1,7 % пад, а прометот во трговијата во индустријата надвор е некаде околу 7,5-7,6 % – истакна Мицкоски.

Тој додаде дека не треба да се заборави и параметарот за издадени одобренија за градба, кои, во месец ноември, државата ги има за 39-40 % повеќе.

СДСМ остави пустош и хаос по 7 години катастрофално владеење

- Advertisement -

Економијата се стабилизира од пустошот и хаосот кој го остави СДСM по 7 години катастрофално менаџирање, лоши економски политики и отсуство на мерки и проекти, се вели во партиското соопштение на владејачката ВМРО-ДПМНЕ.

„За краток период, Владата предводена од ВМРО ДПМНЕ, исто така успеа да ги стабилизира буџетските приходи и енормно да ја зголеми довербата на инвеститорите. Владата работи посветено со домаќински скроен буџет, се зголемија платите во клучни сектори како здравството, образованието, како полицијата, а се работи на конкретни мерки и проекти за намалување на невработеноста со цел подобар и поквалитетен живот на граѓаните“, истакнуваат од ВМРО-ДПМНЕ.