Системот „Пронајди ме“ е активиран вечерва во Србија поради исчезнувањето на двегодишното девојче Дуња Марковиќ

Системот „Пронајди ме“ е активиран вечерва во Србија поради исчезнувањето на двегодишното девојче Дуња Марковиќ.

Според веб-страницата „Пронајди ме“, двегодишно девојче исчезнало денеска околу 14 часот пред зградата во која живее во градот Уб во западна Србија), на улица 8. Март бр.6.

Дуња има кафена коса, кафени очи и е висока околу 100 сантиметри, кога исчезнала носела сива тренерка и дуксер.

- Advertisement -

Во моментот на нејзиното исчезнување била со нејзините постари браќа, момчиња од прво и второ одделение.

Исчезнувањето го забележала мајката, околу 17:00 часот, кога се вратила од работа. Децата си играле на песок, пишува „Телеграф“.

Доколку имате информации за исчезнатото девојче, веднаш јавете се на 192, апелираат од српското МВР.