Си Џинпинг го предупреди Зеленски за сериозни последици

Во јавните Телеграм групи на западните воени експерти се дискутира дека Кина, преку свои канали, ги предупредила сите што би биле способни за провокации во Москва и во регионот за време на деновите на прославата на 80-годишнината од Денот на победата над фашизмот, вклучувајќи ги Велика Британија и Франција.

Како што коментираат воените експерти, посебен дел во предупредувањата му бил посветен на „украинскиот режим“ во Киев, чии претставници биле лично предупредени за недозволивоста на помислите за кршење на прекинот на огнот за време на посетата на кинескиот претседател Си Џинпинг на Москва.

Претходно, украинскиот претседател Володимир Зеленски го отфрли предлогот на претседателот на Русија, Владимир Путин, за тридневен прекин на огнот во периодот 8-10 мај и навести можност за напад врз Москва на 9 мај, кога ќе се одржи традиционалната парада на победата.

- Advertisement -

Но, судејќи според кинеските предупредувања, ако украинските сили навистина се обидат да ја нападнат Москва со беспилотни летала на 9 мај, тогаш тоа ќе има многу далекусежни последици.

Сепак, коментарите се дека изјавите на Зеленски се само обид да блефира со цел да ги исплаши светските лидери за да одбијат да учествуваат на прославите на 9 мај во Москва.