Шефот на САД го нарече унгарскиот премиер „претседател“

Американскиот претседател Доналд Трамп изјави дека одбил лично барање од унгарскиот премиер Виктор Орбан за исклучок од новите санкции против руските нафтени компании.

– Тој побара исклучок. Ние не му го дадовме – рече Трамп, објаснувајќи дека одлуката е донесена поради економски и безбедносни причини.

Во изјавата случајно го нарече Орбан „претседател“, а не премиер.

- Advertisement -

Меѓутоа, санкциите што Вашингтон ги воведе против „Лукоил“ и „Роснефт“ се прошируваат и на држави и компании што соработуваат со нив, меѓу кои купувачи од Индија, Кина и делови од Централна Европа.

Во интервју за државното радио „Кошут“, Орбан рече дека Унгарија е во „ранлива позиција“ бидејќи зависи од копнените енергетски коридори. Потсети дека Унгарија и Словачка сè уште добиваат руска сурова нафта преку нафтовод, а нагло прекинување на увозот би предизвикало економска криза, пренесе „Блик“.

Сепак, САД не прифатија компромис. Американскиот амбасадор во НАТО, Мет Витакер, порача дека Унгарија, Турција и Словачка мора веднаш да ги намалат своите врски со руските гас и нафта.

Орбан треба да го посети Трамп на 7 ноември, придружуван од министри и од безбедносни советници. Се очекува на средбата да зборуваат за билатералните односи и за нов пакет економска соработка.