Шефот на МАЕ најави дека најголем недостиг ќе има на дизел и на керозин

Прекините во глобалното снабдување со нафта во април ќе биде двојно поголеми отколку во март, предупреди шефот на Меѓународната агенција за енергија (ИЕА), Фатих Бирол.

Според него, сегашните нарушувања предизвикани од практичното затворање на Ормускиот теснец од страна на Иран значат губење на повеќе од 12 милиони барели нафта дневно.

Бирол предупреди дека наскоро би можеле да следат специфични недостатоци на одредени видови гориво, особено керозин и дизел.

- Advertisement -

-Во април, загубата на нафта ќе биде двојно поголема отколку во март, покрај веќе постоечките загуби на течен природен гас – рече тој во интервју за норвешки подкаст.

Тој додаде дека најголемиот проблем во моментов е недостатокот на керозин и дизел.

-Веќе го гледаме ова во Азија, а наскоро, веројатно во април или мај, ќе се почувствува и во Европа – рече тој.

МАЕ, исто така, разгледува дополнително ослободување на стратешки резерви на нафта со цел да се ублажат последиците од кризата.

Минатиот месец, агенцијата веќе пушти рекордни 400 милиони барели нафта на пазарот, а Бирол не исклучи нови интервенции доколку ситуацијата се влоши.

Војната меѓу САД, Израел и Иран започна кон крајот на февруари кога американските и израелските сили започнаа напади врз ирански воени и нуклеарни цели, вклучувајќи ги базите и објектите на Револуционерната гарда поврзани со ракетната програма на Иран.

Тензиите продолжуваат да растат, и покрај повремените сигнали за можни преговори, ниту една страна досега не покажа подготвеност за брз крај на конфликтот.