Селин Дион на својот 58-ми роденден објави на Инстаграм видео пораки на француски и на англиски јазик и најави дека во септември и октомври ќе одржи десет  концерт во арената Ла Дефанс во Париз

Селин Дион на својот 58-ми роденден објави на Инстаграм видео пораки на француски и на англиски јазик и најави дека во септември и октомври ќе одржи десет  концерт во арената Ла Дефанс во Париз, која има капацитет од околу 40.000 посетители.

- Advertisement -

Ова враќање на сцената го нарече „најдобриот подарок во животот“.

– Толку сум подготвена за ова. Се чувствувам добро, силна сум и возбудена, секако и малку нервозна. Одлично сум, се грижам за своето здравје, се чувствувам добро. Повторно пеам, па дури и малку танцувам – вели пејачката.

Таа упати и емотивна порака до своите обожаватели, заблагодарувајќи им се за поддршката во изминатиот тежок период.

– Морам да ви кажам нешто многу важно: во текот на последните неколку години, секој ден ја чувствував вашата поддршка, вашите молитви, добрината и љубовта. Ви благодарам на сите. Едвај чекам повторно да ве видам – порача таа.

Синдромот на вкочанета личност од кој страда Дион е ретко невролошко нарушување кое предизвикува вкочанетост на мускулите и болни грчеви, кои со текот на времето можат да се влошат.
Дион претходно отворено зборуваше за тоа како болеста влијаела врз нејзиниот препознатлив глас.

Пејачката на хитот „My Heart Will Go On“ првпат откри дека боледува од овој синдром во 2022 година, кога беше приморана да го откаже остатокот од својата турнеја.