Седнал пијан за волан и завршил зад решетки

60-годишниот Д.Б. од село Пискупштина бил приведен откако е затекнат како управува возило под дејство на алкохол на регионалниот пат Струга–Дебар, кај местото викано „Кореа“.

Настанот се случил на 10 јуни во 20:00 часот, кога полициски патролен тим запрел возило застава со струшки регистарски таблички. По извршената алкотест контрола, било утврдено дека возачот има дури 2,61 промили алкохол во крвта, што е далеку над дозволената граница.

„Возачот веднаш беше исклучен од сообраќајот и задржан во полициска станица. По целосно документирање на случајот, против него ќе биде поднесена кривична пријава за безобѕирно управување со моторно возило,“ информираат од СВР Охрид.

- Advertisement -

Случајот се води по член 297-а од Кривичниот законик, а полицијата апелира до граѓаните да не седнуваат зад волан под дејство на алкохол, бидејќи на тој начин директно го загрозуваат својот, но и животот на другите учесници во сообраќајот.