Џејми Сингер, адвокатот на светскиот тенисер број еден, Италијанецот Јаник Синер, за „Sky Sport Italia“ изјави дека морал да го убедува свој клиент да ја прифати понудата на Светската антидопинг агенција (ВАДА) за 3 месеци суспензија, наместо да оди на судење во меѓународниот Суд за арбитражи во спортот (ЦАС) каде би ризикувал дисквалификација од една до две години.
– Сето тоа се случи многу неправедно. Од самиот почеток, судењето за Синер следеше „класично“ сценарио. Немаше посебен третман, само околностите под кои беше позитивен на тестот беа многу специфични. Јаник чувствува дека бил третиран доста грубо, но признава дека секој има право на свое мислење. Тенисерите не можат да ги знаат сите детали од оваа приказна, па едноставно ги искажуваат своите размислувања. Но, можеби вреди да се испитаат фактите повнимателно. Беше потребно време за да се убеди Синер дека е вистинската одлука да се прифати понудата на ВАДА наместо да се оди во ЦАС – изјави Сингер.
Светската антидопинг агенција (ВАДА) го суспендираше светскиот тенисер број еден од 9 февруари до 4 мај оваа година поради два позитивни допинг теста за метаболитот клостебол, кои беа направени во март 2024 година.
