Роботската рака работи со милиметарска прецизност, пациентите веќе нема да имаат силни болки

Во Македонија пристигна технологија која веќе го менува начинот на кој се изведуваат операции низ светот. Станува збор за „Ексцелзиус ГПС“ (ExcelsiusGPS) – првиот и единствен роботски навигациски систем во светот што овозможува хируршки зафати на рбетниот столб и на мозокот со неверојатна прецизност и сигурност.

Оваа напредна технологија ја носи „Globus Medical“, водечки производител на медицински уреди, со цел да го модернизира здравствениот систем и да понуди врвна нега за пациентите во нашата земја. „Ексцелзиус ГПС“ се користи во водечки болници низ САД, Европа и низ Азија и сега за првпат е достапен и во регионот.

Роботот, чијашто презентација се одржа денеска на Клиниката за трауматологија под раководство на д-р Игор Мерџаноски, комбинира навигација во реално време со роботска рака која на хирургот му овозможува точно и безбедно поставување импланти и инструменти. Тоа значи минимална можност за грешка, побрзо заздравување, пократок престој во болница и значително намалување на болката кај пациентите.

- Advertisement -

Воведувањето на првиот и единствен роботски навигациски систем во македонските болници би бил голем чекор напред за нашето здравство. Оваа технологија не само што им помага на лекарите да работат побрзо и попрецизно, туку и го подигнува нивото на нега кое го добиваат пациентите.

Водечкиот производител на медицински уреди е отворен за соработка со државни и приватни болници, медицински факултети и институции во државава. Ќе се организираат бесплатни обуки за хирурзи и медицински персонал, како и јавни презентации за граѓаните за да се запознаат со придобивките од оваа технологија.

Првиот и единствен роботски навигациски систем претставува ново поглавје во македонската медицина, а пациентите во државава ќе добијат третман по највисоки светски стандарди.