Реисул-улема: Агресијата на Израел и воениот напад врз Иран

Реисул-улема на Исламската заедница во Босна и Херцеговина Хусеин-еф. Кавазовиќ ја осуди агресијата на Израел и воениот напад врз Исламската Република Иран.

Во соопштението на реисул-улемата, покрај осудата, се наведува дека „војната никогаш и никаде не е решение за какви било недоразбирања“.

– Додека нема крај на страдањето на народот во Газа и додека сите се надеваме на успех на меѓународното посредништво со цел да се постигне мир и да се стави крај на блокадата и гладувањето на невините цивили, неодговорните политичари дополнително го ескалираат насилството и го воведуваат светот во нова спирала на насилство. Затоа, со вознемиреност и загриженост за невините животи, ги разгледуваме последиците од политиките што веруваат само во аргументот на силата и кои, за жал, не беа запрени на време – се вели во соопштението на реисул-улемата.