Српската нафтена индустрија (НИС) испратила ново барање до Министерството за финансии на САД за укинување и за одложување на санкциите, објавија српските медиуми.
Бидејќи рокот за првото одложување на санкциите истекува на 28 март, НИС ја повтори неопходноста од одложување за да можат руската и српската страна да се договорат за понатамошна работа.
„Првите дадени 30 дена не се доволни за да се договорат сите важни прашања“ наведуваат од НИС.
НИС покрива повеќе од 50% од пазарот во Србија и е единствениот преработувач на нафта.
На 4 февруари компанијата, со поддршка на српската и унгарската влада компанијата, побара одложување за три месеци или 90 дена.
НИС е цел на санкции на американската влада поради руската сопственост во компанијата.
