Противпожарен авион на грчкото воено воздухопловство бил принуден да остане во морето во петокот наутро поради дефект што се случил за време на собирање вода во Коринтскиот залив, што го спречило да полета

Противпожарен авион на грчкото воено воздухопловство бил принуден да остане во морето во петокот наутро поради дефект што се случил за време на собирање вода во Коринтскиот залив, што го спречило да полета, објави Екатимерини.

Според првичните извештаи, авионот се обидувал да собере вода во близина на крајбрежниот град Врахати кога настанал дефектот.

Државниот радиодифузер ЕРТ јави дека двајцата пилоти се во добра здравствена состојба. Крајбрежната стража испратила пловило за да ги извлече.

- Advertisement -

Инцидентот се случува само 2 дена по падот на противпожарен хеликоптер, изнајмен од Противпожарната служба, кој се срушил во Елефсинскиот залив, близу Атина. Сите тројца членови на екипажот биле спасени откако биле забележани како пливаат кон брегот и биле подигнати од приватен брод.

Грција во летната сезона на пожари во голема мера се потпира на својата застарена флота на противпожарни летала.