Времето денеска ќе биде променливо облачно со сончеви периоди. Попладне ќе има локални врнежи од дожд и услови за појава на ретки грмежи, најавува Управата за хидрометеоролошки работи. Ќе дува слаб до умерен ветер од северозападен правец.
Минмалната температура ќе се спушти до 2 степен во Маврово, а најтопло ќе биде во Гевгелија, со 20 степени Целзиусови.
Во Скопје, променливо облачно со сончеви периоди. Во вечерните часови ќе има услови за повремен дожд. Ќе дува слаб до умерен ветер од северен правец. Утринската температура ќе изнесува 8, а дневната 18 степени.
В петок во земјата ќе биде променливо облачно со повремени врнежи од дожд. Локално ќе има појава на нестабилност со пообилен пороен дожд, грмежи и засилен ветер.
Според податоците од УХРМ минимална температура ќе се движи од 2°C до 8°C, додека максимална температура од 12°C до 18°C.
