Производителот на спортска облека Адидас најави укинување на стотици работни места

Производителот на спортска облека Адидас најави укинување на стотици работни места. Најпогодено ќе биде седиштето на компанијата во Херцогенаурах во Баварија, а целта е првенствено „намалување на сложеноста“.

-Мораме да укинеме до 500 работни места, не поради луѓето, туку затоа што тие работни места создаваат сложеност – изјави извршниот директор Бјорн Гулден.

Ова е првпат тој официјално да ги потврди плановите за отпуштање, кои беа обелоденети уште во јануари.

- Advertisement -

-Треба да ја намалиме сложеноста, но поедноставувањето е најтешката работа од се. Моравме да прекршиме многу од нашите правила. „Адидас“ има намера да носи одлуки на децентрализиран начин, бидејќи „не можете да одредите од Херцогенаурах што ќе се продава добро во САД или Кина – додаде Гулден.

И покрај предизвикувачките економски услови, „Адидас“ очекува континуиран раст во тековната година од најмалку 10%, иако со малку побавно темпо отколку во 2024 година.

„Адидас“ полага големи надежи за клучните пазари во Северна Америка и Кина, каде што очекува двоцифрен процентуален раст во 2025 година. За Европа се предвидува висок едноцифрен раст.

Компанијата очекува и натамошно зголемување на профитабилноста, при што се очекува оперативната добивка да порасне на 1,7 до 1,8 милијарди евра, во споредба со 1,3 милијарди евра во претходната година.