Претседателот Мулино испрати порака пред средбата со првиот американски дипломат

 Претседателот на Панама, Хозе Раул Мулино, денеска ја отфрли можноста за преговори со САД за Панамскиот канал додека се подготвува да му гостува на државниот секретар на Доналд Трамп, Марко Рубио.

Мулино рече дека отворањето преговори за сопственост на каналот „е невозможно“.

– Не можам да преговарам, а уште помалку да отворам процес на преговори за каналот. Тоа (прашањето) е запечатено. Каналот е на Панама – рече тој на својата неделна прес-конференција.

- Advertisement -

Панама, долгогодишен пријател на САД, се пожали во ОН поради заканата на Трамп.

Сепак, Мулино рече дека има заеднички прашања како што се миграцијата и борбата против организираниот криминал и трговијата со дрога за кои со задоволство би разговарал со Рубио кога ќе ги посети во наредните денови.