Премиерот на Унгарија Виктор Орбан изјавил дека „влогот е едноставен – војна или мир“, во пресрет на самитот на Европската Унија во Брисел

Топ Вести - Слушај сега

Премиерот на Унгарија Виктор Орбан изјавил дека „влогот е едноставен – војна или мир“, во пресрет на самитот на Европската Унија во Брисел. Тој на Фејсбук напиша дека Европа се наоѓа „на прагот на огромна можност“ бидејќи САД наскоро би можеле да ја завршат војната во Украина — конфликт што, според него, Европејците не успеале да го решат речиси четири години.

- Advertisement -

Орбан смета дека Европската Унија оди во погрешна насока продолжувајќи ја војната на фронтот и, како што рекол, „ја интензивира и во економската сфера со конфискација на замрзнат руски имот“.

Според него, тоа претставува „отворена објава на војна“ и ќе предизвика одговор од Москва.

„Немаме причина да ја менуваме унгарската позиција. Војната не може да се реши на фронтот. Треба да направиме она што го прави американскиот претседател Трамп, да преговараме“, рекол Орбан пред унгарските пратеници.

Првиот човек на унгарската влада исто така потврди дека Унгарија нема да поддржи конфискација на руските средства, нема да испраќа оружје ниту финансиска помош за Украина и нема да учествува во воениот заем на ЕУ.

Орбан предупредил дека следи „турбулентна недела“ за европската дипломатија.