Претседателот на Украина, Володимир Зеленски, изјави дека Русија „подготвува нешто“ во Белорусија ова лето.
„Ова лето, Русија подготвува нешто таму, под маската на воени вежби“, рече украинскиот лидер на самитот во Полска, без да даде детали.
„Вака обично почнуваат нејзините нови напади“, додаде тој, според Скај њуз.
Се верува дека Белорусија не испорачувала директно војници за борба во Украина, но им дозволила на руските трупи да поминат преку нејзината граница со Украина кога започнала инвазијата во 2022 година – давајќи ѝ на Москва многу подиректен пат до Киев, кој не го искористила.
