ПОЗНАТАТА АКТЕРКА КОЈА ЌЕ ГО ИГРА ИСУС ХРИСТОС ПРЕДИЗВИКА БУРА НА СОЦИЈАЛНИТЕ МРЕЖИ

Синтија Ериво ќе го толкува Исус Христос во мјузиклот „Jesus Christ Superstar“, рок-опера со музика на Ендрју Лојд Вебер и стихови на Тим Рајс. Претставата ќе се прикажува во амфитеатарот Холивуд Боул во Лос Анџелес, а ќе почне на 1 август и ќе трае до 3 август, извести „Вариети“.

Оваа вест Ериво ја сподели на Инстаграм.

„Малку ќе бидам зафатена ова лето, едвај чекам“, напиша таа на својата инстаграм-приказна. Инаку, актерката веќе се појави во оваа претстава – во 2020 година ја толкуваше Марија Магдалена и ја изведе популарната песна „I Don’t Know How to Love Him“.

- Advertisement -

„Jesus Christ Superstar“ првично беше објавен како концептуален албум, а потоа дебитираше на Бродвеј во 1971 година.

Мјузиклот ја прикажува последната недела од животот на Исус.

Филмската адаптација во режија на Норман Џевисон беше објавена во 1973 година, а „Ен-би-с9“ го емитуваше „Jesus Christ Superstar Live in Concert“ во неделата на Велигден 2018 година, во која се појави пејачот Џон Леџенд како Исус Христос и Сара Баријс како Марија Магдалена.

Реакциите на луѓето откако дознаа за нејзината улога беа поделени.

Додека некои веруваат дека одлично ќе се снајде во мјузиклот, други мислат дека таа воопшто не се вклопува во таа приказна.

„Исус Христос не треба да изгледа вака“, „Ја сакам, но ова не ѝ прилега“, „Ужасно, само сакаат да се потсмеваат со христијанството“, „Исус имал коса“, „Кога билетите нема да се продаваат, ќе ги обвинуваат луѓето дека се расисти“, беа само дел од коментарите на социјалните мрежи.

Синтија Ериво во последно време е во центарот на вниманието поради нејзината главна улога во филмската адаптација на популарниот бродвејски мјузикл „Wicked“. Во овој долгоочекуван филм, Ериво ја толкува Елфаба, злобната вештерка од западот, додека Аријана Гранде ја толкува Глинда, добрата вештерка од северот. Благодарение на оваа улога, таа беше номинирана за Оскар во категоријата за најдобра женска улога.

Инаку ова е нејзина трета номинација за Оскар, откако беше номинирана за филмот Хариет од 2019 година.
Меѓутоа Ериво не е само актерка – нејзиниот глас и музички талент стануваат сè попрепознатливи. Во 2021 година, таа го издаде својот прв соло албум насловен „Ch. 1 Vs. 1“, во кој ги истражи темите на љубовта, идентитетот и издржливоста, а албумот се здоби со позитивни критики.