Повеќе од 84% од населението има некаква платежна картичка

Според последните податоци од Светската банка, 84% од населението над 15 години во земјава поседува сметка, што претставува највисоко ниво во регионот на Западен Балкан. Користењето дебитни и кредитни картички расте, при што 76% од граѓаните ги користат за плаќања, а 62% од сопствениците на сметка вршат онлајн плаќања.

Овие податоци биле споменати во раазговорот на гувернерот на Народна Банка Трајко Славески и извршниот директор на Алијансата за финансиска вклученост (АФИ), Алфред Ханиго  за врее на  Глобалниот форум  кој се одржува во Намибија.

Славески„ како што соопшти Народна банка, рекол дека динансиската вклученост е клучен предуслов за повисока економска активност и доход.

- Advertisement -

– Народната банка континуирано работи на олеснување на пристапот до финансии, заштитата на потрошувачите и промовирaњето на дигиталните и зелените финансии- рекол Славески.

На средбата било истакнато дека натамошното унапредување на финансиската вклученост, особено кај младите, жените и ранливите групи, е од стратегиско значење за економскиот развој и стабилноста на земјата.

Гувернерот Славески и извршниот директор на АФИ, Ханиг се согласиле и дека размената на искуствата и соработката меѓу централните банки и меѓународните институции ќе придонесе за натамошно зајакнување на финансиската вклученост и зголемување на довербата на населението во финансискиот систем.

АФИ е глобална мрежа за финансиска вклученост, која опфаќа централни банки и финансиски регулатори од 84 земји во светот, овозможувајќи размена на знаење и искуства, како и развој на ефективни политики за финансиска вклученост.