Повеќе од 500 млади лица и околу 120 спортски и луксузни автомобили направиле вистински хаос на паркинг во Струга ноќеска, а полицијата интервенирала откако јавниот ред и мир биле сериозно нарушени
Повеќе од 500 млади лица и околу 120 спортски и луксузни автомобили направиле вистински хаос на паркинг во Струга ноќеска, а полицијата интервенирала откако јавниот ред и мир биле сериозно нарушени.
Како што информира МВР, инцидентот се случил рано утринава (05.08.2025), помеѓу 00:30 и 02:00 часот, кога на терен биле повикани полициски службеници од Полициското одделение за безбедност на патниот сообраќај Струга.
На местото на настанот, полицијата затекнала масовно собирање на луѓе со над сто спортски и луксузни автомобили кои, според пријавата, изведувале неконтролирана „изложба“ со бучава и нарушување на јавниот ред.
„Лицата не постапиле по дадените наредби од страна на полициските службеници, по што биле ангажирани дополнителни полициски сили и состојбата е ставена под контрола“, информираат од МВР.
Полицијата, постапувајќи по член 344 од Законот за безбедност на патниот сообраќај, одзела пет возила, а биле констатирани уште осум други прекршоци, кои се во процес на понатамошна обработка.
„По целосно документирање на случајот, ќе бидат поднесени соодветни поднесоци“, додаваат од полицијата.
ЗА НАС
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
Links
© 2025 OhridSky. Сите права задржани.
