Поранешниот француски претседател Никола Саркози, кој отслужува петгодишна казна во парискиот затвор Санте, е единствениот затвореник кому му се дозволени четири семејни посети неделно, иако според законот се дозволени само три посети.
Како што пренесува БФМ, повикувајќи се на затворски извори, Саркози има посебен аранжман поради неговиот статус како поранешен претседател.
Според законот, обвинетиот, односно затвореникот кој не е правосилно осуден, како што е случајот со Саркози, има право на три посети неделно. Како што се наведува, минатата недела неговата сопруга Карла Бруни го посетила неколку пати, а секој пат ја придружувал член на управата на затворот од главното дворно место до собата за посети. Се наведува и дека двајца негови адвокати го посетуваат секој ден, без временски ограничувања.
РТЛ пренесува дека поради лична безбедност, Саркози е сместен во самица и нема контакт со другите затвореници, како и дека јаде иста храна како и другите затвореници. Тој на 25 септември беше осуден на пет години затвор затоа што им овозможил на неговите соработници да бараат од тогашниот претседател на Либија, Моамер Гадафи, да ја финансира неговата претседателска кампања во 2007 година.
