Европските земји не се подготвени за војна, но сè уште го поттикнуваат конфликтот со Русија, изјави поранешниот офицер на ЦИА, Лери Џонсон, во обраќање на Јутјуб.
– Tие немаат ресурси, индустриска база, воена моќ, но сепак сакаат да започнат конфликт со Русија. Историјата јасно не ги учи ништо – рече тој.
Како главни причини за ваквата агресивна политика аналитичарот ги наведува заемите дадени на Киев од Франција, Велика Британија и Германија, пишува рускиот медиум РИА Новости.
Во случај на пораз на Украина, овие пари ќе исчезнат, додаде експертот.
– Не е важно ни што сега ги гледаме од аспект на воената моќ. Доволно е да одговориме на едно прашање: дали имаат соодветна инфраструктура, дали можат да добијат храна, гориво, муниција? Дали можат да ги добијат потребните резервни делови за да ја поправат својата опрема – вели Џонсон.
Францускиот претседател Емануел Макрон по самитот на „коалицијата на волјата“ во Париз на 27 март изјави дека неколку претставници на коалицијата планираат да испратат сили за одвраќање во Украина.
Како што нагласи францускиот лидер, иницијативата Париз-Лондон нема да ги замени украинските војници и дека силите за одвраќање нема да станат мировни сили. Нивната цел би била да ја одвратат Русија и ќе бидат распоредени на стратешки локации однапред одредени со Украинците.
Макрон истакна дека не сите се согласуваат со иницијативата, но дека тоа не е неопходно за нејзино спроведување.
Состанокот на воените лидери од Велика Британија, Франција и Украина, најавен во понеделник, ќе се одржи во наредните денови на кој ќе се разговара за следната фаза од деталното планирање.
