Полицијата вечерва интервенираше кај Филозофскиот факултет во Нови Сад и ги разби демонстрантите кои беа собрани ред факултетот, по големиот митинг во градот што го организираа студентите.
Според видеата на социјалните мрежи, во еден момент демонстрантите и полицијата се судрија пред факултетот, по што полицијата почна да ги разбива со шок-бомби, пендреци и солзавец. На ова протестантите возвратија, по што на улицие на Нови Сад настана голем хаос.
Се гледаат запалени предмети, многу чад, уапсени демонстранти. Тие гневно извикува кон полицајците и ги гаѓаа со камења и со други предмети.
Според известувањата на социјалните мрежи, во овие жестоки судири има повредени.
На видеата претходно се гледаат голем број на полицајци цо полна опрема како пристигааат со возила на местото на протестот.
Министерството за внатрешни работи соопшти дека добило информации оти учесниците на непријавениот собир во Нови Сад имаат намера да ја нападнат полицијата која се наоѓа пред Филозофскиот факултет и Факултетот за спорт и физичко образование во овој град.
