Полицијата ги предупредува граѓаните да не наседнуваат

Министерството за внатрешни работи ги информира граѓаните дека во последните денови актуелна е лажна објава на социјалните мрежи во која се тврди дека некои малоплодажни компании за техника наводно нудат модерни телефонски уреди преку „внатрешна програма“ поради оштетена амбалажа.

„Ве известуваме дека станува збор за измама со цел да се привлечат граѓаните да кликнат на сомнителни линкови или да остават лични податоци. Доколку забележите ваква објава не кликнувајте на линкови во вакви објави, не споделувајте лични информации, не потпаѓајте на приказни кои играат на емоции за да ви измамат доверба“, се наведува во соопштението од МВР.

Компаниите за техника немаат тајни страници за „специјални“ телефони, и не ги нудат производите преку социјалните мрежи или неофицијални канали.

- Advertisement -

Доколку видите вакви објави, пријавете ги веднаш во најблиската полициска станица.

Секторот за компјутерски криминал при Министерството за внатрешни работи активно презема мерки и води постапки во врска со вакви измами.